චීන ආරක්ෂක අමාත්‍යවරයා රැගත් රථපෙළ කොළඹට පැමිණීමේදී ඊට පහසුකම් සැලසීමට මාර්ගය වසා තිබූ අවස්ථාවේ ඊට විරෝධය පෑමේ සිද්ධිය සම්බන්ධයෙන් අත්අඩංගුවට ගත් පුද්ගලයා අද රුපියල් 50,000 ක ශරීර ඇප මත මුදා හැරුණා. ඒ, කොළඹ ප්‍රධාන මහේස්ත්‍රාත් අධිකරණයට ඉදිරිපත් කිරීමෙන් පසු තරයේ අවවාද කිරීමෙන් අනතුරුවයි. එහිදී අදාළ පුද්ගලයා, තමාගේ ක්‍රියාකලාපය හේතුවෙන් පොලීසියට සිදුවූ අපහසුතාවට අධීකරණයේදී සමාව අයැද තිබුණා.
