Ada-Derana-1140-X-60-S 1200 add-02

විස්සයි විස්ස පිතිකරු ශ්‍රේණිගත කිරීම්වල කුසල් පෙරේරා ඉදිරියට

222
11453136468821839297
add-01

දකුණු අප්‍රිකානු සංචාරයේදී දැක්වූ දක්ෂතා හේතුවෙන් පන්දුවාර 20යි 20 ශ්‍රේණිගත කිරීම්වල ස්ථාන 10ක් ඉදිරියට පැමිණීමට ශ්‍රී ලංකා කණ්ඩායමේ ආරම්භක පිතිකරු කුසල් ජනිත් පෙරේරා සමත්ව තිබේ.

ඒ අනුව, ඔහු ශ්‍රේණිගත කිරීම්වල 38 වන ස්ථානයේ රැඳී සිටින අතර ශ්‍රේණිගත කිරීම්වල 100 වන ස්ථානයේ රැඳී සිටින්නේ දැනට තරඟ තහනමකට ලක්ව සිටින කුසල් මෙන්ඩිස් ය.

එම ශ්‍රේණිගත කිරීම්වල පළමු ස්ථානය ප්‍රසාද ලකුණු 841ක් ලබාගත් එංගලන්ත කණ්ඩායමේ ඩේවිඩ් ම්ලාන් ට හිමිව තිබේ.

මේ අතර 20යි 20 පන්දු යවන්නන්ගේ ශ්‍රේණිගත කිරීම්වල දෙවන ස්ථානයට පත්වීමට ශ්‍රී ලංකා කණ්ඩායමේ වනිඳු හසරංගට සිදුව ඇති අතර ඔහු ලබාගෙන ඇති ප්‍රසාද ලකුණු සංඛ්‍යාව 747කි.

ප්‍රසාද ලකුණු 775ක් ලබාගනිමින් දකුණු අප්‍රිකානු කණ්ඩායමේ දඟ පන්දු යවන ක්‍රීඩක ෂම්සි පළසු ස්ථානයේ රැඳි සිටී.