යුපුන්ට ලෝකඩ පදක්කම – කවපෙත්තෙන් ලංකාවට රිදී පදක්කමකුත්

18
Ada-Derana-1140-X-60-S 11453136468821839297

එංගලන්තයේ බර්මිංහැම් නුවර පැවැත්වෙන පොදු රාජ්‍ය මණ්ඩල ක්‍රීඩා උළෙලේ පිරිමි මීටර් 100 ධාවන ඉසව්වේ ලෝකඩ පදක්කම දිනා ගැනීමට ශ්‍රී ලංකාවේ යුපුන් අබේකෝන් සමත් වුණා.

අවසන් තරගය තත්පර 10.14 කින් අවසන් කරමින් එම සුවිශේෂී ජයග්‍රහණය ලැබීමටයි ඔහුට හැකිවූයේ.

ශ්‍රී ලංකාවේ කෙටි දුර ධාවකයෙකු පොදු රාජ්‍ය මණ්ඩල ක්‍රීඩා උළෙලෙකදී පදක්කමක් දිනා ගත් පළමු අවස්ථාව මෙය වීම විශේෂත්වයක්.

මෙම ඉසව්වේ රන් පදක්කම තත්පර 10.02 කාලයකින් ඉසව්ව නිමා කල කෙන්යාවේ ෆර්ඩිනන්ඩ් ඔමන්යාලා විසින් දිනාගත් අතර තත්පර 10.13 කින් ඉසව්ව අවසන් කල දකුණු අප්‍රිකාවේ මකානි සිම්බිනෙ විසින් රිදී පදක්කම දිනා ගනු ලැබුවා.

මේ අතර කවපෙත්ත විසිකිරීමේ ඉසව්වකින් රිදී පදක්කමක් දිනා ගැනීමට ශ්‍රී ලංකාවේ පාලිත හල්ගහවෙල සමත්වුණා.

ඒ මීටර් 44 යි දසම 2 ක දක්ෂතාවයක් වාර්තා කරමින්.

මේ අනුව රිදී පදක්කමක් සහ ලෝකඩ පදක්කම් 02 ක් සමගින් ශ්‍රී ලංකාවෙ මේ වනවිට පදක්කම් සටහනේ 24 වන ස්ථානයට පත්ව සිටිනවා.